a bloggalesung in wien! de kuman extra vo deidschlaund owa in de vuaschtod zum lesn, i scheiß mi au. des wird sicha schpize. und de leid, de wos i kenn hoit, de wos lesen, de passn aso zu dem beisl, weu, do woar i amoi, do hot da oite ostameier so a reih ghobt iwas schterm oda so. midn typn vom fümmuseum hod a do gret iwa de schenstn schterbeszenen im füm, und irgnd a frau woa a nu do, de hot irgndwos soziales gmocht, herrgod, wos woan des? kaum mi nua mea erinnan, dass irgndwie berührend woa, wia de gret hod, so kloa und offm, während rundherum lauta aufgansalte schtudentn umanaunda glahnt san, und bei soiche leid hot ma jo imma aungst, dass da ostameier des vageigt und deppert wird, owa er wiads nie, weu a net deppert is, sondan scho was, wos zöt. bummvoi woas, mia san irgendwo hintn gschtaundn und haum fost nix gseng, und da josef winkla woa a net do, wegen dem ma eigentlich kumma waratn, owa wuascht, und vaknoit woa i aa, owa es hot net sei diafn, und des hob i an dem obnd kapiert: dass net sei wiad. und da hermes phettberg woa aa do und is durch de leid durchgaunga und hot glächelt.

oiso, i dad song: do muaß ma fost hi.